Cerkak BASA JAWA

TETULUNG

          Sawijining dina Bagas lan Banu muleh sekolah mlaku bareng amarga ora kaya biasane, Bagas sing mendinane dipethuk nganggo mobil ac dina iki ora dipethuk. Dadi Bagas kepeksa mlaku bareng Banu sing iseh kanca sedesane. Saben dalan bocah loro kuwi padha menengan. Bagas asyik dolanan hpne lan Banu mung nyawang-nyawang sawah ing pinggir dalan. Amarga anggone mlaku ora ngematke dalan Bagas kepleset kulit gedhang banjur keplorot ing sawah.                                                                                                “Aduh… tulung… tulung…” bengoke Bagas.          

         Banu sing wis mlaku ndisek langsung mandeg, nilike mburine kok ora ana uwong. 

      ” Welah, Bagas mau nandi padal wonge mau mlaku nang mburiku, ngerti-ngerti sing njaluk tulung mau si          Bagas.”

          Banu bingung banjur mlayu nyedhaki swara wong njaluk tulung mau.                                                         “ Tulung.. tulung… tulungi aku Nu.”                                                                                                              “ Yo.. Gas aku gi arep nulungi kowe.”                                                                                                             Sawise ngerti yen Bagas tibo ing sawah, Banu langsung copot sepatu lan tas e. Banjur medhun nulungi Bagas.                                                                                                                                                               “Ayo gocekan tanganku, Gas!” Bagas langsung nggoceki tangan e Banu lan langsung ditarik munggah ing dalan.                                                                                                                                                                “Nuwun, ya Nu wis nulungi aku.”                                                                                                                  “ Yo.”                                                                                                                                                   “ Tapi klambiku reged gupak lendot, piye yo, Nu ben isoh resik meneh mergane aku wedi yen klambiku reged isoh diseneni ayahku." Banu langsung ngejak Bagas medhun nang kali.                                                      “ Bagas kowe ngenteni nang dhuwur watu gedhe kuwi saiki copot klambimu arep tak  kumbah ben isoh           resik meneh”                                                                                                                                            “ Hah, mosok dikumbah nang kali malah soyo reged tow, Nu.”                                                               “ Yo, ora iki mung nggo ngilangi lendot ben ora garing.”                                                                   Sawise rampung ngumbahi, Bagas pengin selak mulih nanging klambine durung garing. Banu banjur njilihke klambine ben dinggo Bagas.                                                                                                                              “ Iki tak jilihi klambiku Gas.”                                                                                                                        “ Ih.. wegah keringatmu mambu engko ndak ketularan penyakit, hiiii.”                                                            “ Yo, uwis nek ngono kowe mengko malah diseneni ayahmu, lho.”                                                                  Bagas banjur mikir-mikir. “ Yo wis lah, aku nyilih klambimu.”                                                       Bocah loro kuwi banjur ijolan klambi lan langsung mulih nang ngomahe dhewe-dhewe.        Minggu esok Bagas teko nang ngomahe Banu saperlu mbalekake klambine Banu. Sadurunge uluk salam, Bagas krungu yen Banu lan ibune lagi rembugan piye carane nyaur tunggakan sekolahane Banu kang wis nunggak 1 tahun ket seko kelas 2 SMP. Bagas kepingin mbales budine Banu kanggo cara mbayari lunas tunggakane Banu. Banjur Banu uluk salam.                                                                                                                                      “ Assalamualaikum… Banu.”                                                                                                                        “ Waalaikumsallam.” Jawabe Banu.                                                                                                              “ Nu, iki aku arep mbalekke klambimu, nuwun ya.”                                                                                       “ Yo, kene dolan ndene koe durung tau dolan karo aku to, Gas.”                                                                 “ Ora, Nu aku arep lungo karo ayahku je.”                                                                                                   “ O, yo wis.”           

            Bagas langsung rembugan karo ayahe. Ayahe gelem mbiyantu Banu. Senin esok Bagas langsung nang kantor saperlu mbayar tunggakane Banu. Wektu pelajaran Basa Jawa Banu dicelukke gurune.                     “ Banu kowe ora sah mumet mikirke mbayar tunggakan sekolahmu saiki wis lunas” kandhane gurune. Banu bingung sopo sing mbayar yen ibu ora mungkin mergane ibuku wis matur yen ora duwe dhuwit.                   “ Sinten, Bu sing sampun mbayari?” pitakon Banu                                                                                        “ Wingi wong sing wis tau tok tulungi nang sawah.”                                                                                          Banu mbatin iki mesti gaweane Bagas.

            Wektu istirahat Banu nemoni Bagas.                                                                                                      “ Bagas, nuwun banget, ya wis mbiyantu mbayari sekolahku.”                                                                        “Padha-padha Nu aku ya nuwun wis ditulungi nang sawah kae nek ora aku mati dipangan kodok.”               “ Ha, kowe nglindur Gas? Mosok kodok doyan dagingmu.”                                                                         “ Ha… haa..haa…” bocah loro kuwi podho geguyon lan soyo akrab.

            Saiki Banu lan Bagas dadi sahabat sing paling kompak lan seneng tetulung marang kabeh uwong. Lan sadar yen tetulung kanthi ikhlas iku mesti bakalan dibales apik.